Iaith:

Diwygio'r rheoliadau er mwyn ymestyn penodiad Comisiynydd Pobl Hŷn Cymru o 4 i 7 mlynedd

 
Mae gan Gymru bedwar Comisiynydd sy'n cael eu penodi gan Brif Weinidog Cymru. Cefnogir y Comisiynwyr trwy drefniadau ariannu a llywodraethu tebyg. Penodir  Comisiynydd y Gymraeg, Comisiynydd Plant Cymru a Chomisiynydd Cenedlaethau'r Dyfodol ar gyfnod sefydlog o 7 mlynedd na ellir ei ymestyn. 

Fodd bynnag, penodir Comisiynydd Pobl Hŷn Cymru ar gyfnod o bedair blynedd. Mae posibilrwydd o estyniad o ddwy flynedd neu ailymgeisio o dan broses gystadleuol os bydd y Prif Weinidog a'r rhai sy'n cynrychioli barn pobl hŷn yng Nghymru yn cytuno.

Am fwy o wybodaeth am rôl Comisiynydd Pobl Hŷn Cymru, ewch i wefan y Comisiynydd: Hafan - Comisiynydd Pobl Hŷn Cymru (comisiynyddph.cymru)

Penodir CPHC yn unol â'r rheoliadau canlynol:
  • The Commissioner for Older People in Wales (Appointment) Regulations 2007 Fel y'i diwygiwyd gan:
  • The Commissioner for Older People in Wales (Appointment) (Amendment) Regulations 2016 (legislation.gov.uk)
Rydym yn cynnig y dylai'r tymor swydd a roddir i holl Gomisiynwyr Cymru fod yn gyson ar 7 mlynedd. Byddai hyn yn caniatáu i'r pedwar Comisiynydd derbyn yr un tymor yn y swydd ac felly'r un cyfle i weithio gyda'r grwpiau o bobl y maent yn eu cynrychioli ac i hyrwyddo newid ar eu rhan. 

Er mwyn gwneud hyn, hoffem ddiwygio'r rheoliadau sy'n caniatáu i'r Prif Weinidog benodi Swyddfa'r Comisiynydd. Byddem yn cynyddu tymor y swydd o 4 i 7 mlynedd ac yn tynnu'n ôl y cyfle i ofyn i'r Prif Weinidog am estyniad o 2 flynedd, neu i ailymgeisio drwy broses gystadleuol. 

Bydd CPHC nesaf yn cael ei benodi erbyn Awst 2024. Hoffem wneud y newidiadau hyn i'r rheoliadau fel y gellir penodi CPHC nesaf ar gyfnod o 7 mlynedd yn y swydd.

Ydych chi'n cwblhau'r arolwg fel aelod o'r cyhoedd neu ar ran sefydliad?

 

Hoffem gael eich barn ynghylch a ddylem wneud y newidiadau arfaethedig hyn.

A ydych yn cytuno y dylem newid y rheoliadau ar gyfer penodi Comisiynydd Pobl Hŷn Cymru o gyfnod o 4 blynedd yn y swydd i gyfnod swydd 7 mlynedd yn unol â Chomisiynwyr eraill Cymru? Wrth wneud hynny, byddwn yn dileu'r cyfle i ofyn am estyniad o 2 flynedd neu ailymgeisio.

 

A oes gennych unrhyw sylwadau ychwanegol i gefnogi'ch ateb?

 

Hoffem wybod eich barn ar yr effeithiau y byddai’r newidiadau arfaethedig yn eu cael ar yr iaith Gymraeg, yn benodol ar gyfleoedd i bobl ddefnyddio’r Gymraeg, a pheidio â thrin y Gymraeg yn llai ffafriol na’r Saesneg. 

Pa effeithiau y byddent yn eu cael, yn eich barn chi?  Sut y gellid cynyddu’r effeithiau cadarnhaol a lliniaru’r effeithiau negyddol?

 

Eglurwch hefyd os gwelwch yn dda sut rydych chi’n credu y gall y newidiadau arfaethedig gael eu llunio neu eu haddasu er mwyn cael effeithiau cadarnhaol neu effeithiau mwy cadarnhaol ar gyfleoedd i ddefnyddio’r Gymraeg ac ar beidio â thrin y Gymraeg yn llai ffafriol na’r Saesneg; a pheidio â chael effeithiau andwyol ar gyfleoedd i ddefnyddio’r Gymraeg ac ar beidio â thrin y Gymraeg yn llai ffafriol na’r Saesneg.

 

Beth yn eich barn chi fyddai'r effeithiau tebygol ar unigolion a grwpiau sydd â nodweddion gwarchodedig o'r newidiadau hyn? Byddai eich barn ar sut y gellid cynyddu effeithiau cadarnhaol, neu effeithiau negyddol yn cael eu lliniaru, hefyd i'w groesawu.

Mae ymatebion i ymgynghoriadau yn debygol o gael eu gwneud yn gyhoeddus, ar y rhyngrwyd neu mewn adroddiad. Os byddai'n well gennych i'ch ymateb aros yn ddienw, ticiwch yma.